(ferdige og korrekte) Selbuvotter

Inatt gjorde eg noko eg aldri hadde trudd at eg kom til å gjere, eg strikka for harde livet til klokka var 0530 for å bli ferdig med vottene. Jaja, de gærne har det godt;)

Eg har brukt 68 gram tilsaman, det sorte garnet er hifa2 og det turkise garnet er pt2.
Mønsteret er henta ifrå Terri Shea-boka, Selbuvotter.

Angrar på ingen måte at eg rakk det opp og strikka pånytt.

Og igår sydde eg gardinger til kjøkkenet, brukte altfor lang tid, men resultatet vart iallefall veldig bra! Eg kjenner idag at eg overbelasta skuldra veldig igår, så eg skulle vel i utgongspunktet aldri gjort det. Kan kome til å slite med klesvasken idag. Stoffet kjøpte eg på Jotex, og siden eg må ha med rynkebånd og alt det der, så må eg sy dei sjølve.

Hadde eit nærare bilete av vindauget, men eg trur kanskje at naboen trudde eg tok bilete av huset deira, så det tør eg ikkje legge ut:) No trur eg at eg skal strikke sjal. Er det slik at to trådar med 2ply kan bli 5ply, eller er det 4ply?

Møkkavott! #2

Eg har jo tidlegare fortalt om min fantastiske evne til å strikke to venstrevottar, eller to høgrevottar (alt ettersom kva mønsteret er på). Denne gongen har eg gått laaaangt bort frå det og over på "går det an å vere så uheldeg"-fasen. Eg har rett og slett gløymt 7 rader NESTEN HEILT NEDERST på votten. O'lukke! Verkeleg. Bajs.Så her blir det opprekking, men hey, eg er sjukemeldt i ei veke til (tilsaman 3 veker). Var hos fysioterapeut på tysdag og han sa "oi". Då veit du at det ikkje er bra. Var igjen hos fysio idag og klarte å trene litt, kjempeflinkHelen, no klarer eg faktisk å løfte arma til 90 grader foran og til sides! Wehei!

Og du, om du ser til høgre på skjermbiletet og det står 30 000, så må du print screen og sende meg ein epost til h(understrek)brekke(snabela)hotmail(punktum)com, for då får du fin premie i posten:)

Enda to djevelluar

Eg fekk bestillingar ifrå eit par på to djevelluar, og siden dei er heilt lik tok eg ikkje bilete av begge to:)
Tilsaman vart det brukt 125g vamsegarn, og denne gongen gjekk det mykje raskare å strikke dei.

No held eg på med selbuvotter ifrå Terri Shea-boka. Dei blir kjempefine:D

Piratvottar til kule piratlillesyster

Store lille minste lillesyster blir 18 år den 31. januar! Ho er min lille "emo" og er råtøff! Og til tøffe jenter passer tøffe piratvottar! Og raudt og sort er systera mi sine fargar.Mønsteret finn du gratis her! Den treng du tilogmed ikkje å vere medlem på Ravelry for å sjå! :D
Eg brukte 68g Falk frå Dale, og ein dag på kvar vott. Det går fort.
Skuldra mi er litt betre, heldigvis er ikkje albuen øydelagt og dermed kan eg strikke litt. :D

Imorgon skal eg starte på to djevelluar, men kva skal eg gjere til den tid? Eg har ikkje garn til dei (bestilling) og dermed må eg starte på noko nytt. Eg trur det blir selbuvottar frå Terri Shea-boka. Så kan dei settjast på vent imorgon.

Når eg tenker på at systera mi blir 18, så skal jo faktisk lillebroren min konfirmerast denne våren OG den eldste lillesystra mi blir 21 dette året! Gurimalla så store dei blir, så fort! *sentimental syster*.

Award

Eg har fått ein kreativ blogger-award ifrå Pillen! Wohooo! Heldige meg:D

Eg vart utfordra til å fortelle sju ting om meg sjølv! Etter litt tenking har eg no kommet fram til noko å fortelle.

1. Eg har eit (ikkje fullt så hemmeleg) crush på Aksel Lund Svindal.
2. Min beste medisin mot syllefyke er kyllingburger med ost og bacon og glasscola.
   
3. Eg er særs lite glad i å rydde eller vaske, og sett meg heller ned med handarbeid istaden. Dessverre skjer dette nesten kvar gong eg skal rydde/vaske.
4. Eg jobber på ein hobbybutikk, noko som er den beste jobben i verda!
5. Eg liker å strikke til krim, og vurderer å ta med meg strikketøy på kino fordi eg liker å flytte oppmerksamheita mi ifrå skummel film til strikking.
6. Eg elsker å bake, dessverre lid fryseren min av aukande bakinglyst men dalande etelyst.
   
7. Eg veit enno ikkje kva eg skal gjere til hausten. Om det blir lærlingeplass som bunadstilverkar eller sylvsmedlinja i Valle.

Mine kreative bloggervenar som skal få denne er: Monica , MayM, Krøllemikkel, Elin.

No kjem siste episode i Varg Veum, så eg får ikkje skrivi fleire bloggervenar enno.

Lue, bunadssaum og hjelmbruk

Dette blir eit kort blogginnlegg, høgrearma mi er ikkje heilt god idag. Derfor skal eg prøve å halde det så sakleg som mogleg.Her er lua eg strikka til tanta til mormora mi, ho hadde noko garn ho ville ha lue av og spurte om eg kunne strikke ei lue til ho. Valet falt på Snappy hat (ravelry-link). Eg brukte 70 gram av dette garnet som heiter Fjorda og var ifrå Gjestal. 70% ull og 30% mohair gjer at det klør i nesa.

I prosjekt til fordyping har vi no bunadstilverkerfaget som fordypingsutdanning, og vi syr prøvelapp på nordlandsbunad. Eg fekk berre lov til å sy greinene fordi eg ikkje visste korleis bladene og rosene skal broderast. Her er iallefall den lysaste fargen.

Den lysaste og mellomgrønne farga.

Og tilslutt alle tre grønfargane på stilken.

Eg har faktisk fått utplasseringsplass på bunadsavdelinga til husfliden her i Bodø, eg skal vere der kvar tysdag etter 12 i 6 veker! WOHOO! Det kjem til å bli kjempekult!

Og tilslutt ei lita oppfordring; BRUK HJELM! Sjå kor heldig eg var som berre fikk dette synlege såret i andledet! Eg sykla litt for fort, hadde ein litt for krapp sving og sykla visstnok på nullføre (dog må det seiast at eg var ute og sjekka om det var glatt, og eg fann ut at det ikkje var det, men det var det lengre bort). Dagen idag har gjett meg ei gul og raud høgreside, ein blå venstrelegg, ei forslådd skulder som skal sjekkes om ei veke for muskulære skader (no er hevelsane for store og smertene for intense) og eit hovud som er sjeleglad for hjelmen.
Eg priser meg lukkeleg for to ting: 1. At eg gjekk inn igjen for å hente hjelmen då eg fann ut at eg hadde gløymt han. 2. At eg var åleine på sykkelen.
Det ser kanskje overfladisk ut, men eg veit at eg ikkje hadde klart det like bra uten hjelm. Brillene mine fekk seg ein god skrap også, så glasset må nok byttast ut. Klarer å skrive på dataen, men ikkje å flytte høgrehanda på dataen, hehe, eg er nok eit syn her eg sitt.

Uten frykt for å vere ukorrekt

Eg har strikka selbuliknande sokker, faktisk så liknande at eg vel å kalle dei for "Selbusokkar". (Berre som eit lite sleivspark til Selbu Husflidslag). Mønsteret finn du i Viking sitt mønsterhefte 0907, nummer 5. I mønsteret står det at du treng 5 nøster botnfarge, og 4 nøster mønsterfarge, noko som ville gitt 450g garn. Det treng du ikkje. Eg måtte forkorte sokkane betrakteleg (fjerne ei rose) og brukte berre 197g garn. Eg veit ikkje heilt kva eg skal bruke resten på, om eg skal bytte det inn og forkorte garnlageret mitt betrakteleg, eller om eg skal bytte det til anna garn.Dette er fyrste gong eg har strikka lange sokker, så eg måtte eit par runder i opprekkingsboksen før eg fekk fellinga på leggen høveleg fin. I tillegg sleit eg med korleis eg skulle felle etter hæl, men det gjekk seg til etterkvart og resultatet vart jo nydeleg!

Her er forresten bilete av dei ferdigtova tøflene mine, dei er MYKJE brukt. Både av meg og K.

Her er alle banderolane frå garn eg brukte ifjor, eg samler på dei i tillegg til å veie alt eg strikker. Er ein nerd, så er ein nerd seier no eg.
Eg har brukt:

• 100g Viking Alpaca
• 350g Viking Sportsgarn
• 600g Fritidsgarn
• 350g Dale Falk
• 100g Navia Uno
• 168g Apple Pie
• 100g Rowan 4ply soft
• 100g Zen Silk Lace Yarn
• 50g Vamse
• 150g Drops Alpaca
• 150g Artesano Hummingbird
• 200g NZ Lammeuld
• 50g Rubin
• 400g Hifa2
• 600g Trollgarn
• Tilsaman: 3,468kg!
  

Om ein ser på lista til høgre så tilseier den at eg brukte 3,513kg ifjor, så det har ikkje gått mykje garn ifrå restehauger og slikt. Er nok mange halvtomme nøster. Eg tar ikkje av banderolen før nøstet er heilt brukt opp.
Her er min sinte snønissemann på ski, når den vart laga veit eg ikkje, men det må vere barnehage eller tidleg barneskule. Eg verdsatte iallefall kunstnerisk friheit på den tida.

I forrige innlegg fortalte eg at eg skulle fortelle kva eg fekk i karakter på veska eg hadde strikka. Eg fekk sterk fem på den:D

Oppsamlingsmodus

Eg skal vere den fyrste til å innrømme at eg har lidd av seriøs bloggtørke. Hovudskulda må nok skulegongen ha, på slutten før jul så gjekk eg berre i svime og prøvde å komme meg igjennom dagen før ferie. Etter at ferien kom har eg opplevd korleis det er å ha overskot til å rydde, vaske, lage mat, leke og å strikke på samme dag! Eg er rysta!

Uansett, eg har fått gjort mykje siden sist eg blogga. Noko har eg gløymt å veie og andre ting har eg ikkje fått tatt bilete av, men eg tenkte å vise fram kva Kristiane fekk i julgåve!

Ho fekk Setesdalsett av oldemora si! Fantastisk dame altså! Genser, lue og votter strikke i marineblått. Og baksida er like fint som forsida, verkeleg eit nydeleg arbeide!


Haha, no blir det ein liten nedtur når eg skal vise kva eg har gjort. Hehehe, neida. Seinaste tilskot på stammen er desse lestane. Dei er no for andre gong i vaskemaskina for å bli tova, fyrste gongen vart dei for lite tova (eg har jo så små føtter). Bilete av dem ferdig kjem i ein seinare bloggpost.
Eg har brukt tilsaman 142g med Hifa 2 i kvit og sort (eg er jo på slankern). Mønsteret fann eg i eit Allers som eg kidnappa av mor mi, hugser ikkje korleis nummer, det er ifrå Sandnes Garn iallefall.

Er det ikkje gøy med handarbeidsrelaterte julegåver? Eg har aldri vore så nøgd med julegåver nokonsinne som iår (dette seier eg vel kanskje kvart år, for eg meiner det kvart år!).

Eg fekk to stofflapper i fine glafarger

Fire grønne knappar med hjerter på!

Strikkebok med massemasse strikkemønster!

Fame Trend og eit bambusgarn kjøpt i Statane. Trur det blir skjerf av sistnemnte (som er meir lilla enn blå).

Av det eg har tatt bilete av har vi Djevellua til Mina som ho fekk i julegåve. Ho vart superglad, kanskje fordi ho har ynskja seg han i snart eit år. Berre eg som gløymer så lett.
Brukte 68 gram Rauma Vamsegarn, og oppskrifta finn du her.

Ja, så var det oppgåva i "prosjekt til fordypning" som vi har på skulen. Vi fordyp oss i Strikkefaget. Oppgåva var å lage noko med vevteknikk. Eg valte å lage ei veske.

Eg trudde jo at det skulle tove meire enn det gjorde, så eg vart nødt til å klippe opp stykker til stoffdeler for å sy dei saman. Så vevde eg remsane saman og monterte det til eit lokk. Tilslutt sydde eg tungesting over alle sårkantane. Her trur eg at eg har brukt 600 gram minst, nøyaktig vekt kjem når eg har fått oppgåva tilbake (med karakter).

Det eg har laga som eg ikkje har fått tatt bilete av er eit skjørt i kordfløyel og ein bestikkoppbevaring som eg sydde til ei i julegåve. Skjørtet får eg jo snart tilbake (også med karakter), då får eg jo lagt ut bilete.

Eg hadde jo eit håp om å få 30 000 klikk før årsskiftet, og håper eg får det (sjølv om det er heller usannsynleg). Om du er nummer 30 000 så skal du få ei overrasking i posten, berre husk å ta ein screenprint av skjermbiletet sånn at eg veit at du ikkje prater usant.

Håper alle har ei fin romjul og at alt står bra til med alle saman!

Selbuvotter til julebror

Midt i julegåveproduksjonen er det IKKJE gøy å finne ut at ein mangler garn. Iallefall ikkje når garnprodusenten heiter Viking og er viden kjent for å ha STORE fargeforskjellar på partiene sine. Derfor måtte ei lita etterlysing til, og heldigvis for meg finns det engler i verda: Dati!
Ho hadde partinummer 9, eg trong partinummer 6. Då pakka dumpa i posten var eg veldig spent!

Og som dykk ser er det ikkje noko skildnad! For ein gong skuld er eg supernøgd med at Viking har klart å få to partiar så like!

Historisk fakta:
Mønster: Eit eller anna ark eg fekk ifrå sandnes fordi eit hefte eg hadde kjøpt var full av feil (eit hefte= eit ark, eg var superskuffa av det ja!)
Garn: Viking Sportsgarn, 109g i blanding av gult og sort. HEIA BODØ/GLIMT!

Morosamheit: Eg hatar mønsterane til Sandnesgarn! Kan dei ikkje sette tommelen for seg sjølv! ARGH! Aldri meire selbumønster derifrå, sjølv om det var deilig å strikke votter på pinne 3,5!
På baksida merkes det godt at eg har hatt forskjellig veg på fargetrådane, altså, på venstre hånd har eg hatt sort nøste på venstre side av meg, men på høgre bytta eg, og det synest meire enn eg hadde håpa på! Dessverre gadd eg ikkje å ta bilete av det, latskapen lenge leve!

No har eg berre 4 julegåver igjen:
Eit eller anna til Yngste lillesøster (eg prøver meg på Tine Solheim sine nattsokker ifrå "maskeball", men veit ikkje om eg klarer å få dei ferdig.
Mina ynskjer seg Lil Devil Baby Hat i vaksenstorleik, så eg lurer på om eg har noko rødt tjukt garn, om ikkje så har eg kanskje mor Aase som eg kan legge dobbelt.
Annicken ynskjer seg ei mappe ho kan legge bestikk i, om nokon veit kor eg kan finne eit lett mønster på det ville eg vert evig takksam.
Torhild skal få eit eller anna, men eg veit ikkje heilt kva ho ynskjer seg:p


Tilslutt vil eg gjerne vise ein bitteliten filmsnutt av K. Ho satt i senga og sang barnesonger då eg fann ut at eg skulle filme ho. For kvar gong eg skrudde på opptak sa eg "sånn". Morosamheita kjem når eg plutselig vel eit nytt ord, som kan feiltolkast. Eg lo iallefall godt av denne, og gjer det fortsatt.

Nattsokker til lillesøster

Lillesøster lurte på om eg kunne strikke sokker til ho, og som fantastisk storesøster kan eg jo gjere det! :)

Mønsteret er henta ifrå "strikk -en reise til indre ro". Eg brukte 128g Viking Alpaca, eit heilt nytt garn:) Veit ikkje heilt kor nøgd eg er med desse, fellinga på tåa var vangskeleg, og holrada var ulik så eg måtte hoppe over eit hol for å få silkebandet til å bli rett.

Men dei er jo fantastisk mjuke!

Tja, no må eg vel strikke til dei andre søskene mine også til jul;)

Kimono

Og endeleg var 3 vekers hard og intensiv jobbing over (for denne gong).

Her er det første plagget som er DESIGNET og sydd av Helen Brekke *applaus*

Kimonoen er konstruert i primærsnitt utifra moteteikninger eg sjølv har laga.

Den har kanting på alle kanter, firkanta lomme og silkebånd med hemper.

Eg er SÅ stolt av denne!

Duk i kunststrikk

No er det offisielt, eg er ei gammel sjel i ein ung kropp. Eg har nemleg strikka ein duk i kunststrikk.Bestilte boka "kunststrikk 6" frå hobbyklubben, og eg elsker den boka. Den er skrive av ei gammel dame, som ikkje har anledning til å svare på brev, derfor har ho skrive telefonnummeret sitt i forordet:) Fantastisk dame!

I mønsteret sto det at det var ca 40g Maxi som skulle brukes. Eg kjenner meg lurt! Denne veier HEILE 15 gram! Altså ikkje eit garnslukerprosjekt!

Denne vart ferdig for vel over ei veke siden, men fordi eg måtte gjere ferdig vottene orka eg ikkje å bruke tid på å blogge det.

På søndag kom vi heim ifrå Jessheim, og der kjøpte eg meg eit Peer Gynt-selbuhefte, og to nøster. Men skuffelsen var stor då eg fann ut at det må vere feil i mønsteret:( Eg trur nok at eg må ta med meg vottane på skulen slik at strikkelæraren min kan hjelpe meg med det.

Selbuvotter til bursdagsfarfar!

Javisst, det var selbuvotter eg strikka. Men applaus for forslaget om rød polyesterdress! Den lo eg godt av!Eg brukte 96g hifa 2, strikket på pinne 2 og mønsteret er henta ifrå "selbustrikk" frå Rauma.


Dei blei kjempefine og mottakar blei nøgd. No må eg strikke vidare på skuleprosjektet mitt.

Kva strikker eg no?

Fire knekte Harmony Woods.

Hint: Linda Eide.


Svaret kjem i neste veke, då er eg forhåpentlegvis ferdig!

Og Bitt@mi: du får ikkje lov til å svare:P

Mini blåbærpai/smuldrepai

På søndag var Annicken og eg på blåbærtur, veldig seint men vi fekk ein god del blåbær. Først trudde vi at vi berre hadde nok til nokre muffins. Det viste seg heldigvis at vi hadde nok til pai.

Annicken lurte på om eg ville bake åleine, og det vil eg jo alltid. Eg har jo så trangt kjøkken:)

Verdas raskaste dessert!

Eg elsker kokebokstativet mitt og mi nøyaktige elektroniske vekt!

Godt over 4 dl blåbær heilt på tampen av sesongen.

"Brødraspet"
225g kveitemjøl
125g smør
100g sukker

Eg pleier å hive alt i ein bolle også gnur eg det saman til det ser ut som loffsmular. Du kan bruke foodprocessor også, men denne metoden er mykje meire gøy!

Legg frukten i ein grunn ildfast form (eller som eg gjorde, i mange formar) og dryss litt sukker over (det pleier aldri eg å gjere).

Fordel brødraspblandinga over frukten, skak litt på forma og steik han i ovnen på 200*c i ca ein halv time (30 minutt altså), eller til overflata er jamnt gylden. (Om den blir litt mørkare rundt kantane skrur du berre ned varmen litt.
Og VOILA! Fantastiske mini-blåbærpaiar! Sjå røyken og kjenn nesten lukta av den.

Det tar ca 10 minutt i forberedelsar, og du kan bruke nesten kva du vil av frukt.

Denne smakar best nystekt, og er veldig mektig! Eg steikte den i 25 minuttar i mine små tupperwarepaiformar, og fekk 9 stk på denne oppskrifta.

Lukke til og skriv gjerne i kommentarfeltet om du har prøvd den eller ikkje. Den er så enkelt å lage at alle kan lage den sjølv om ein har dårleg tid!

Gråtassgenser til råtassjente

Dette blei jo for ei lita stund siden Ufoa fordi eg hadde for lite garn. No er den heldigvis ferdig og eg kan skryte av arbeidet (og takke høgare makter for at det ikkje blir nærbilde av dei grusomme maskestinga).

Då eg skulle starte på halsen heilt tilslutt så måtte eg sjekke at det såg ut som den ville bli passe rundt halsen. Eg endte opp med å sjå at halsen blei ALTFOR stor og var usekker på om eg skulle gidde å rekke opp og starte heilt pånytt.

Eg starta på halsen og fann ut at det nok ville bli akkurat passe.
Underveis måtte eg jo ha litt prøving med den sjuke råtassen min.

Her er den ferdig! Etter å ha knota med brodering av maskesting (noko eg verkeleg må lere meg ordentlig) og funnet ut at min gråtass ikkje kjem til å få augenvipper fordi eg ikkje kan hekle så er eg overlukkeleg over å ha blitt ferdig med enno eit prosjekt!

Eg brukte 283g med Falk i forskjellege fargar, og endte opp med sikkert like mykje som rester. (blir litt frustrert når eg berre trenger kvit til augnene osv).

No har eg lova meg sjøl å berre strikke til meg sjøl dei neste to prosjektene, og det skal eg. No held eg på med ein UFO ifrå ifjor, og så skal eg starte på ein Naviagenser med Hifa-garn. Det blir interessant, eg synest Navia er så mjukt, men dei hadde ikkje Navia DUO, og når det skal strikkes med dobbelt garn og på pinne 7 er det litt dyrt å skulle kjøpe Navia UNO og legge det dobbelt;)

Vel, no skal eg endeleg gå å legge meg. Eg er stuprtrøytt!

Votter i "spire"

Gjestal har kommet med eit nytt garn "Spire", dette garnet har heilt lik strikkefastheit som Rauma Finull men SÅ mykje mjukare!
Så no veit eg kva eg skal erstatte finull med når eg strikker selbuvotter!Mønsteret til desse vottane er i det nye heftet til Gjestal som også heiter "Spire" og der var det masse fint! Og fargene til dette garnet er så vakkert! Masse fantastiske lillafargar.

Brukte berre 35gram til desse vottane, og lurer på om eg har nok garn til å strikke lua som er i samme hefte. I tillegg skal eg strikke dei tova hanskene som også er i heftet.

Kor er det eg bestiller ekstra timer til døgnet?

Symaskinsertifikatet

Eg fekk aldri symaskinsertifikatet då eg gjekk på barneskulen, då er det veldig flott å ha ein fantastisk lærar som tar seg tid til å lage sertifikat til oss.
For å få dette sertifikatet så må ein sy alle nyttesømmane og alle broderisømmane. Det var veldig gøy og lærerikt, samtidig er det godt å få sydd igjen uten at det kjennes som om eg ikkje får til nokon ting.

Det er jo veldig enkelt då, det er jo berre å trykke på ein knapp. Det som er rart er at det kjennes ut som om eg har lært meire om søm enn etter eit heilt år på folkehøgskule

Til jul skal vi levere ein perm med sømutførelsar, og siden at eg tydelegvis jobber raskt så har eg allereie starta.

Klyvpressing av søm

Fransk søm

Indresøm

Nedstukken søm med overlock og stikning.

Dette er kjempegøy! Eg stortrives på skulen, men skulle ønske eg kunne gå gullsmedlinja også!
No driver vi på med design av kimono, vi skal lære å konstruere mønster i primærsnitt!