Goddag blogg!

Eg er ikkje ein god blogger, trur eg. Ikkje oppdaterer eg ofte (nok) og ikkje har eg eit godt og morosamt språk. Rett og slett, så skulle ein jo ikkje forstå kven som orker å lese denne bloggen (fnis).

Spesielt no er det veldig bloggtørke, ikkje får eg gjort så mykje på kveldstid som eg vil, og eg har attpåtil begynt på ein duk som eg broderer, det kjem nok å ta si tid, for eg er ikkje eingong ferdig med ein fjerdedel.

Ikkje har eg over 100 000 treff, 30 kommentarar på kvar post og favorittstempel hos dei "kule" i bloggverdenen, og ikkje er det eit streben heller.

Eg elsker å få kommentarer, eg elsker å få høyre at det eg har laga er fint, og eg tar til meg kvar eineste kommentar! Eg tek det til mitt hjarte og grunnar på det som ei Maria gjorde i juletider.
Eg les bloggen til dei som skriv til meg og skriv gjerne noko tilbake, kanskje eg ikkje har tid der og då men ei anna gong blir det gjort. Eg har enno til gode å finne ein _keisam_ blogg om handarbeide, og eg trur faktisk aldri eg finn det.

Eg er så heldig at eg har moglegheita til å gå på videregående skule no. Delvis pga latskap, bohemlivet og graviditet blei eg aldri ferdig. Då eg endelig fann ut at det var Design og handverk eg ville drive med, så blei det ei lita K i magen min som gjorde at eg måtte slutte. Så no går eg førsteåret videregåande i ein alder av 23. Heilt fantastisk! Og det beste er at eg er så heldig å ha verdas mest kreative folk rundt meg! I gangane eg går i så treff eg Muffin, som er eit av mine store idol i strikkeverda, eg har ei lærerinne som er fantastisk kreativ, glad og sprelsk nok til å kunne vere på linje som meg (fnis), ein teiknelærar som har ein meget spesiell og sær humor som gjer at eg virkelig liker meg i timane hennar. Og det beste av alt, eg kan lage ting eg vil lage i skuletida!

Så idag då eg gjekk forbi tekstilklassen (eg har søkt gullsmed- og tekstillinja til neste år, det beste hadde jo vert å kunne gå begge to samtidig) så eg eit kjend namn på timeplanen. Eg hadde lest det namnet før, eg hadde tilogmed prata med personen visste eg, men kven var ho? Eg spurte lærerinna mi om kven ho var, og fekk høyre at ho skulle lære ho å pjone! Det ville eg også lære! Så eg sto i døra og skulle vente på ei med rødt hår sånn at eg kunne få snike på ho. Og mens eg står det så ser eg ei som kjem (ikkje med flammerødt hår som eg så for meg) og ho ser på meg og spør: "har ikkje eg kommentert i bloggen din?" "jo, svarte eg, eg trudde jo det var du men eg måtte berre snike på deg". Ho sa at eg hadde så mykje fint strikka.

Så kanskje eg ikkje har den bloggen med mest besøk, mest kommentarar og flest innlegg, men eg har ein blogg som blir hugsa! Og det er viktig!
Har du møtt ein blogger på gata?


Ja! Og før eg gløymer det, ho som kjente meg igjen fortjener å få bloggen sin vist http://martehenriksen.blogspot.com

Mitt påskeprosjekt

Ja, så var påska over for denne gong. Ekstremt deilig å ha ferie, endelig fekk eg gjort noko på handarbeidsfronten. Eg begynte med denne genseren nokre dagar før påske, men pga skulearbeid så blir det ikkje prioritert på kveldstid. Får håpe det endrar seg fordi eg har kjøpt garn til ein genser til meg også.

Oppskrifta til genseren fann eg her og eg har brukt 159g alpakka i forskjellige fargar i størrelse 2 år. Eg skulle egentlig strikke den i fargene som var brukt i mønsteret, men dei var så altfor blasse.

Eg laga ikkje knappestolpe fordi eg aldri fekk det fint, så eg lot vere å sy halsen dobbelt. Men eg merker at eg har felt av litt for hardt så eg må kanskje ta det opp etterkvart. Heldigvis gjer det ikkje noko for K å få ein genser tredd over hovudet.
Men det verste er, og dette gjer at eg føler at genseren ikkje ble noko fin, at eg har kjøpt to forskjellige parti med brunfargar noko som syntes veldig godt på dei bildene eg tok av berre genseren. Og eg såg det faktisk ikkje før eg hadde tatt bilde! Så irriterande!

No skal eg bruke resten av dagen på å brodere litt på ein duk, så kanskje den er ferdig til sumaren når vi har ferie neste gong:) Imorgon skal vi spikke kniv i klassen og det blir kjempegøy!

Nøstebarndress og fantastisk middag!

Endelig blei eg ferdig med denne, eg trur eg starta på den ifjor ein gong. Godt å ha det gjort, samtidig har eg litt dårlig samvit for at det var til dottera til ei venninne av meg. Men men, sånn er det å ha fullt kjør heile dagen. No er den iallefall ferdig og eg er overlukkeleg. No skal ho sy knappane sjøl og eg skal vaske og dampe den imorgon.

Mønster ifrå Nøstebarnboka, brukt 319g New Zealands Lamb wool i lilla og grønn.
And speaking of lamb. Eg har laga heilt fantastisk middag idag, inviterte mamma og farmora og farfaren til Kristiane på lammelår (eller lamme lår som eg synest er så fantastisk morosamt).
Blei inspirert av matpratreklamen og fann oppskrifta på Provencalsk lammelår på matprat.no.

Her er bilde rett før den skal i ovnen.

Her er den nesten ferdig oppspist. Eg fekk så mykje skryt og det var så godt, og mykje enklare enn eg hadde trudd! Og eg som egentlig ikkje er så flink til å lage mat!

Til dessert hadde vi Oreokake, oppskrift henta ifrå detsoteliv.no, veldig veldig mektig. Og det tok si tid for det er 4(!) forskjellige lag; kjeksbunn, kremostfyll, sjokoladepudding og krem på toppen. Eg valgte å ikkje ha sukker i kremen for eg rekna med at det kom til å bli for søtt.
Som dykk kanskje forstår så fekk eg ikkje tatt bilde før det blei spist. Eg tar det som eit kompliment! No gleder vi oss berre til Oslotur, og kanskje eg får strikka litt meire på genseren til Kristiane i påska.

God påske til alle mine vakre blogglesarar!

Smykker, skulearbeid og flotte barn!

Etter at eg begynte på skulen så har eg ikkje gjort noko handarbeid heime. Eg føler at eg får mitt daglige hobbyinntak og i tillegg er eg så fantastisk sliten når K er i seng og dagen er over at eg ikkje orker å tenke meir med høgre hjernehalvdel (fnis).

No har vi iallefall smykkeprosjekt på skulen, kor eg har valgt å lage smykker til bryllup. Det viktigste var at det ikkje blei "perler på ei snor" og her er iallefall dei eg skal levere inn:

Armbånd med perlemorsperler og blomster som eg har satt perler inni.
Allereie tre jenter i klassen som har blitt heilt vill etter dette sukkersøte smykket.

Hårbøyle med glassperler i blank og raud.
Dette var eigentleg min hovedidè, men etter at eg var ferdig med denne hadde eg fortsatt fleire timer igjen. Denne tok si tid. Eg har brukt ein "fletteteknikk" med tre tråder. Dette måtte då limes på ei hårbøyle, og det var vanskelig. Først trudde eg at eg hadde satt den på midten, men det blei heile 8mm forskjell på kvar side, så då måtte eg ta det av og fjerne limpistollimet ifrå hårbøyla.
Då eg endelig fekk det til så røyk første snora eg brukte, det siste no er nylontråd og det burde berre halde!

Så her er det som blir "hovedproduktet" eit "fletta" smykke.

Eg fann idèen på eit smykke eg har ifrå før av, og videreført litt av den teknikken. Kanskje det ikkje synest så godt men det er blanke blomar rundt omkring imellom hjertane.

Her ser du korleis det ser ut på baksida. Det måtte fire trådar til og MASSE tålmod!
Skal seie at eg var veldig sliten i hovudet då eg var ferdig med dette, den som trur at kunstneriske og praktiske fag er superlett har verkeleg ikkje prøvd det!

Ja, også ein liten oppdatering på heimefronten. K har tatt etter mor si! Så no veit dykk iallefall kven som kan hjelpe til for å få oppdatert bloggen.

Her er iallefall gulvet etter at K hadde vert kunstnerisk på den.

Heldigvis hadde eg sånn vaskbar tusj, så teikninga er foreviget her men borte i verkelegheita.

Veskekurs med Andrè Wallenborg, dag 2.

Sånn, då var eit kurs gjennomført. Eg har hatt det kjempegøy og det har vert så arti å treffe nye folk og lære masse nytt! I begynnelsen var det sånn: "hæ? ikkje tråkle?" "hæ? Ikkje knappenåler heller?" Gale, gale mannen.

Her er han iallefall, Andrè Wallenborg.

Her skal han montere magnetlåsen (ja, han måtte bruke det som demo, det er ikkje eg som er lat:)

Først så veska mi sånn ut, etter at eg hadde sydd på plass hankane og bunnen. Det gjekk faktisk mykje fortare idag, kanske fordi at det var veldig mykje pirkearbeid igår. Idag var det nesten berre montering.

Etter dette måtte eg berre raska på, så det er ingen bilder frå kva eg gjer imellomtida. Men her er iallefall den ferdige veska sett bakfra.

Veska forfra.
Eg skal prøve å finne eit sånn "kamè-bilde" for å stryke på på lomma.

Foran er det ei lomme...

Og ei lomme med glidelås.

På baksida er det ei strikklomme.

Her ser du inni veska. Vi sydde også ei plastlomme som er avtagbar.

Lomme på innsida.

Kortholdarar inni lomma.

Plastlomma montert på.

Plastlomma tatt bort.

Eg treng vel ikkje å seie at eg er kjempenøgd?

Eg vil anbefale alle som kan til å melde seg på eit kurs med Andrè Wallenborg, eg veit iallefall at dette ikkje er det siste kurset eg skal på. Du kan sende han ein epost info (at) wallenborg punktum no, og høyre om han skal ha kurs i nærheiten av deg i nær framtid, eller om du har ein butikk og vil bestille kurs med han.

Vi var ca 30 personar og han hadde SÅ bra opplegg, samtlige blei ferdige, og han var kjempeflink å vise. Og det som var enno betre, dei fleste som satt ved samme bord var kommet like langt, så då kunne ein hjelpe kvarandre. Berre positivt!

Så no skal eg ta og finne fram adressane til dei som hadde blogg, og snike rundt kva dei har å skrive:)

Veskekurs med Andrè Wallenborg, dag 1.

No har eg akkurat kommet heim ifrå ein lang, men innhaldsrik dag på sykurs i regi av Polar Quilt. Vi skal sy ei veske designa av Andrè Wallenborg, ein av Noregs mest kjende veskedesigner (om ikkje den mest kjende).

Opplegget er veldig bra, Andrè har hengt opp kvar bit på ei tavle, slik at vi får sjå korleis dei skal sjå ut. Dette er då baksida (eller forsida om du vil bruke den som det). Med trippel-lomme.
Så slik blei mi bakside/forside sjåande ut. Eg har valgt eit beige stoff med franske ord på. Eg elskar fransk, men kan verken lese, snakke eller forstå det. Så eg nøyer meg med å lese franske bøker oversatt til norsk.

Eg gløymte å ta bilde av alle stoffbitane til forsida, men her er iallefall mi forside, med lomme med strekk i.
Så skulle vi begynne med foret. Her er alle forbitane.
Og her er kortlommene mine, eg har sydd tre lommer som skal vere inni den hovedlomma i foret.
Her er hovedlomma.
Andrè hadde med seg fleire vesker han har designa og sydd, og det var veldig mange fine. Eg skal lere meg å sy den med mange små firkantar på, men eg må finne ut kor han skal ha kurs neste gong, for eg bur forhåpentligvis i Valle neste gong han skal ha kurs i Bodø.
MEN! Eg var forelska, i ei veske. Åherlighet kor mykje eg har tenkt på den, og drømt om den. Eg måtte berre ta eit bilde av den. Så no undrar eg meg, når kan eg rettferdigjere eit veskekjøp på rundt 7-8000kr? Er det når eg blir rik? Når eg finn meg ein mann som skal kjøpe alt til meg? Eller fortjen eg det rett og slett, og kjøper den og heller sparer litt ekstra for å kjøpe komfyr?

Eg trur eg må tenke litt meir på det.

Eg har ikkje tatt bilder av alle som sydde, fordi eg ikkje orka å gå rundt og spørre om kven som ville på nett og kven som ikkje ville, men kanskje eg kan ta bilde av Andrè og dei som sitt ved bordet mitt imorgon. Alle damene som sydde var kjempeflinke, og det var så gøy å sjå på alle dei forskjellige stoffene sjøl om alle syr samme veske.
Imorgon skal vi få blogglista til alle sammen, det skal bli gøy å bloggrundere hos dei. Eg måtte kjøpe meg skjærematte, skjærekniv og quiltelinjal, så eg trur nok eg blir bitt av denne basilla ja.

Urk, det blir vel dyrt?

Monsterbukse og hals

Eg har også kasta meg på monsterbuksebølgen som herjar rundt omkring. Så eg fann oppskrift ein eller anna plass på nettet (eg har dessverre gløymt kor eg fann han, om du tilgir meg).
I oppskrifta skal ein bruke dobbel Opal, og pinne 3,5. Dumme meg trudde at dobbel Opal og pinne 3,5 blei Viking sportsgarn på pinne 3,5. Dette er i størrelse 3 år (ihvertfall) og han som skal ha den er like gammel og like liten som K, altså ein knøtt på 18mnd.
Jaja, eg får berre håpe at han ein gong passer den.For å seie det slik: eg fekk ikkje heilt til disse maskestingane, så det blei berre to tenner, og dei knøvla eg skikkelig med også! Augnene gjekk betre, men på nært hald ser ein jo at det ikkje er bra sydd på. Om mottakeren ikkje liker den, så kan eg jo seie at eg har lært K å sy. Evt finne opp eit søsken på rundt 4-5 år og gje ho skulda.
Buksa veier 236g.

Med barnehagebarn så forsvinn jo ein heil del ting. Eg har mangla halsen eg strikka til K for lenge siden. Så eg fann ut at ho skulle få ein ny hals i samme garn som sokkane hennar. Hummingbird Alpakka. Fy flate som eg elskar dette garnet! Eg brukte 56g på halsen, og no har eg berre 19g igjen, og eg har ikkje peiling på kva eg skal lage av 19g luksusalpakkagarn! Eg har heldigvis eit nøste til, i blå/grønnfargar, og det skal bli nattsokkar til meg. Heldige meg!
Her ser du baksida på halsen.
Det skal seies at den halsen eg har leita etter fann eg idag då eg skulle sjå i den kurven med alle luene og vottane og skjerfene. Så eg har tydeligvis ikkje leita godt nok.

Hmm... Kva skal eg no lage?

Dåpsbesalg og gardinar

Eg har fått montert dåpsbeslaget til K! Eller, det er ikkje eg som har montert det da, det er tanta til mormora mi. Det er alltid ho eg leverer ting til montering hos (forutenom strikkemontering, det er Aud sin jobb). Det tok si tid å brodere det ferdig, men no er det no ferdig og eg er kjempenøgd.

Her er iallefall det ferdige resultatet.




Ja, for veldig lenge siden så laga eg jo nye kjøkkengardinar til advent, i den posten så skreiv eg at eg måtte jo male gardinlista på kjøkkenet siden at den var trekvit og resten av kjøkkenet er kvitt. Vel, det gjorde eg igår, også kjøpte eg stoff til gardinar slik at eg fekk sydd meg enno eit par kjøkkengardinar. Og uansett kor mange millionar eg betalte for stoffet, så var det verdt det!

Før:

Etter:

Sjå kor fint det blei! Det lyseblåe i unikkoen (blomsten) er akkurat samme blåfarge som skapdørane på kjøkkenet har. Det eineste minuset er at gardinane er litt skeive. Men eg skulder på ho som reiv stoffet og ikkje klipte det;)

Også har eg kjøpt matchande kopptuer, noko luksus må ein jo ha!

Sølvring

Slik gjekk det til når eg laga min aller første sølvring! Og denne ringen gjorde at eg fekk veldig mersmak til å bli gullsmed, så no har eg søkt meg inn på VG2 Gullsmed på Setesdal Videregåande Skule i Valle!

Eg måtte først sage ut eit langt rektangel av ei sølvplate som var ca 1mm tjukk. Eg måtte sage rektangelet så bredt eg ville ha høgden på hjartet (om du forstår?) og ganske lang, siden at hjartet måtte bøyes til.

Så tok eg ei rundtang og forma dette rektangelet om til eit hjarte, det tok ikkje så lang tid, men finjusteringa var litt vanskelig. Sånn type: klemme litt ekstra her, ånei det blei for mykje osv.

Så skulle dette loddest på ei tynn sølplate, det som blir toppen av hjartet. denne plata var ca 0,3mm tykk trur eg. Då la eg sølvplata ned på bordet først og plasserte det ferdig forma hjartet oppå. Klipte opp sølvlodd og la dei rundt mellomrommet mellom hjartet og plata, og brukte gassbrennaren og flussmiddel til det hadde lodda seg saman.

Så måtte eg sage rundt hjartet, det gjekk egentlig veldig fort, eg blei ein kløpper med den saga (kan minnest om ei baufil). Når det var gjort så måtte eg pusse slik at skøytane ikkje vistes, slik at den blei glatt og slik at den fekk litt liv. Eg brukte filar med forskjellig hardheitsgrad (veit ikkje om det er det det målest i) og sølvpapir. Når eg var ferdig med den så skulle eg lage sjølve ringen.

Då hadde eg valet mellom å lage ein ring av ei plate, eller av ein tykk tråd. Eg valte det siste, fordi fingrane mine er så pølsete at dei ikkje passar tykke ringar. Det var berre å måle kor stor eg ca trengte den og sage av ein bit. Lodde den saman og prøve den på. Eg hadde flaks der for den passa perfekt.

Ringen og hjartet skulle da loddast saman og pusses og polerest. Dette gjorde han gullsmedleraren for han sa det blei veldig varmt. Når det var ferdig så skulle eg berre legge det i zalovann og skylle den etterpå. Då var den så blank og fin.

Eg må seie at dette er den fineste ringen eg nokonsinne har sett, og då gjer eg blaffen i jantelov!


Har holdt på med ein kjole no siden begynnelsen av januar, blei endelig ferdig med den på fredag (ja, den 13. du forstår no kva som skjer?) eg måtte legge opp falden for hand fordi eg ikkje forsto korleis eg skulle brette den for blindsøm på maskina, men uansett, då eg ENDELIG var ferdig skulle eg ta den på meg, og glidelåsen sklir ut av sporet. Eg hatar usynleg glidelås i utgangspunktet, men no må eg uansett skifte den, og det blir ein synlig glidelås neste gang! ARGH!

Også er eg faktisk ferdig med dåpsbeslaget til K, endelig, det er levert til montering no, derfor ingen bilder. Og dykk som pleier å følge meg veit jo at eg eigentlig ikkje lik å legge ut bilder av noko som ikkje er ferdig, i tilfelle det aldri blir ferdig.

Kjære Helen, kva har du på pinnane no?

Jo, eg har ei monsterbukse, ein nøstebarndress, ei ull/silketrøye til meg, og no skal eg STRAKS starte på eit sjal, nermare bestemt; Petticoat spanande!

Votter og sokker

Siden at barnehagen til K maser om at ho ikkje har nok lestar, så måtte eg hive meg rundt for å strikke nokre til det bruket. Eg fann ei grei grunnoppskrift i Nøstebarnboka, og tok av mitt luksusgarn (artesano hummingbird). Trudde fyrst dei blei for små i str 1-3 år, så eg strikka ett par i 3-5 år. Det blei altfor stort, så eg måtte strikke enda eit par som ble 1-3 år. Dei passar iallefall no. Brukte 75g tilsaman, så då har eg 75g igjen. Må vel strikke opp garnet, så kanskje det blir to par til?

Også har eg meldt meg på vottealongen på Hobbyboden, og her er månedens bidrag. Eg blei ikkje så veldig nøgd, men det var mi eiga feil at eg strikka på pinner som var 0.25mm for store. Strikka i Rowan 4ply, og veier ca 60g.

Last hat of 2008

Jepp, så var det eit nytt år igjen. Mykje har skjedd, og eg har vert travel småbarnsmamma i jula. Men fekk heldigvis strikka ferdig den siste lua i "Luer for huer 2008", i år skal eg vere med på vottealongen, slik at det blir litt variasjon. Lua var ferdigstrikka klokka 2345 på nyttårsaftan, så det var berre akkurat.

Neida, fakta er ikkje keisamt!
Brukte 48g av Sandnes Hauk, eg trur den er utgått, men dette var noko eg fekk av Malin, og eg likte fargen så godt. Garnet er ull og mohair så det er deilig.
Eg brukte tre dager (med skrikarunge som nektar å sove) Men det gjekk veldig fort å strikke.
Som seg hør og bør har eg rekna litt over kor mykje garn eg har brukt, både fordi eg
a) samlar på banderolar
b) veier kvar ting eg lagar
Kanskje det er litt tvangsnevrotisk, men eg synest det er gøy å ta vare på banderolane for å sjå kor mykje garn som faktisk blir brukt. Banderolen forsvinn når nøstet er ferdig, så det vil sei at om eg brukar 20 gram av eit nøste i 2007, og resten i 2008 så tar eg av banderolen i 2008. Jada, eg er sær.

Uansett; eg tok eit bilde av det før eg begynte med reknskapet.

Kanskje ikkje så mange, eg er jo ikkje av dei racerstrikkarane, men eg synest det var temmelig mykje.

17 Drops Alpakka 850g
3 Drops silkealpakka 150g
8 Mor Aase Babyull 400g
8 Gjestal babyull 400g
9 Rauma Finull 450g
6 Rauma Vamse 300g
5 New Zealand lammeuld 500g
5 Nøstebarn Merinoull 500g
3 Trysilgarn Iglo 150g
3 DSA Misti 150g
2 Kauni Effekt 300g
1 Evilla 220g
3 Viking Pure Milk 150g
4 Hifa Troll 400g
2 Blåfjell 100g
5 Viking sportsgarn 250g
5 Gjestal Østland 250g
1 Artesano Hummingbird 150g
2 Navia Uno 100g
2 Manos Del Uruguay 200g
2 Lanolingarn 200g
1 Cascade 220 100g
1 Rowan Kid Classic 50g
1 DSA 100% alpakka 50g
1 Drops Fabel 50g
1 Noro Aurora 50g
= 6470g =6,47 kg!

Ifølge reknskapet mitt her på bloggen har eg strikka opp 6,711kg! Så då har eg strikka opp meir enn banderolane.


Uansett! Eit nyttårsbilde ifrå oss, tatt klokka 00.00.
GODT NYTTÅR!

Og ja, Kristiane vann konkurransen, så no blir det bleieshopping! :D

Ginger bread baking

Idag har vi bakt pepperkaker! Siden at K skal være hos faren sin denne helga og helga om to uker og vi skal til Jessheim neste helg, så måtte det gjøres nå.

Vi hadde det kjempekoselig med å bake ut, selv om det ikke ble like gøy da K fant ut at deigen kunne spises, da ble det et lite strev med å få henne til å IKKE spise deig.
Oppskriften vi fulgte var: Gå til butikken, kjøp en pakke med Lierne Pepperkakedeig (frossen). Tin den i 10 minutter på tiningsfunksjon i mikroen og kjevle ut.

Her prøver K så godt hun kan å trykke ned formene, men hun er ikke sterk nok enda, stakkar:p

Her er de ferdige pepperkakene (vi har litt deig igjen siden at jeg ble så usannsynlig sliten etter utbakinga) og hvem andre er det som kan skryte av å ha pepperkakekaniner, -sauer, -esler, -fugler, -pingviner. :) Formene ble kjøpt på Søstrene Grene i København i 2007.

Håper dette kan bli en fin tradisjon hos oss, bare neste gang skal vi lage det i en helg. Vi var ganske slitne begge to.


PS. Hvis dere synes vi ser ut som den perfekte familie og at vi alltid har det like koselig hjemme hos oss; da har dere HELT rett:D

Christmas curtains

Igår trosset jeg alt som het smerter og sydde nye julegardiner. Eller, ikke nye, for jeg har jo ikke hatt julegardiner før. Så dette er del en i å lage mitt eget merkelige hjem.
Stoffet fant jeg til 90% avslag på panduro i januar, og jeg kjøpte 3 meter, så jeg har endel igjen. Forøvrig er de ikke så brede at de kan lukkes helt igjen (de er bare 70cm brede) men jeg trekker jo aldri helt for, så da gjør det jo ingenting. Nå skal jeg kjøpe sånne dusker til å ha på sidene.

Pga sykdom har jeg ikke fått kjøpt adventsstake iår heller, jeg som virkelig hadde gledet meg til det! Teite mandler.

Nå kjenner jeg at jeg begynner å få sydilla igjen. Det er gøy.

This year I have made my first christmas curtains, with a fabric I got 90% off in january.


Nå ser jeg jo at vinduslista må males hvit og at vinduet er såpass punktert at det må skiftes til sommeren.